Со висококвалитетна колор доплер ехографија дополнета со напредна B-flow ултразвучна метода неинвазивно директно се визуелизираат надворешните мозочни (вратни)- каротидните и вертебралните артерии како и внатрешните мозочни артерии со транскранијална колор дуплекс ултрасонографија при што се врши проценка на степенот на стеснување на артериите како и рано откивање на болестите на артериите како атеросклерозата со цел навремен третман и контрола на ризик факторите. Прегледот е задолжителен поле мозочен удар за да се дијагностицира можно значајно стеснување на артериите за кое најчесто е потребна васкуларна интервенција. Со колор дуплекс ултрасонографијата директно се визуелизираат артериите и вените (површни и длабоки) на рацете и нозете со цел откривање и навремен третман на болести на артериите како и болести на вените - тромбофлебитис, длабока венска тромбоза , проширени вени. Прегледот не бара претходна припрема.

Контрастна транскранијална колор дуплекс ехографија - PFO тест или “TCD bubble test” Неинвазивна, безбедна, најсензитивна метода за утврдување на PFO (Patent Foramen Ovale), мал отвор кој се наоѓа меѓу левата и десната преткомора на срцето, кој се затвара после раѓањето. Сепак овој отвор може да остане незатворен и да биде причина за мозочен удар кај помлади луѓе (18-60 г) кои немаат други васкуларни ризик фактори или да биде причина за чести мигренозни главоболки. Тестот се изведува по стандардизиран протокол со ставање на агитиран (со меурчиња) физиолошки раствор во вена во раката , а потоа со транскранијална колор дуплекс ултрасонографија се снима протокот низ главната мозочна артерија за регистрирање на микроемболиски сигнали. Прегледот не бара претходна припрема.

Тест за проценка на белодробната функција. Особено се препорачува кај пушачи, пациенти со астма, ХОББ . Со тестот се мерат белодробните капацитети, односно количеството (волуменот ) и брзината на протокот на воздухот кој може да биде вдишуван или издишуван. Тестот не бара претходна припрема, но е потребна соработка и следење на инструкциите од специјализирана сестра која го води тестот